გამოყენების წესები

პლატფორმა შუამავალია

რთველი მხოლოდ აკავშირებს ყურძნის გამყიდველებსა და მყიდველებს — თავად გარიგების მხარე არ არის. ჩვენ არ ვამოწმებთ განცხადებების სისწორეს, არ ვმონაწილეობთ ფასის შეთანხმებაში და არ ვამუშავებთ გადახდას. გარიგებაზე, საქონლის ხარისხზე, რაოდენობაზე და ანგარიშსწორებაზე სრულად პასუხისმგებელნი არიან თავად მხარეები — გამყიდველი და მყიდველი.

აკრძალული კონტენტი

არ შეიძლება განცხადებაში იყოს:

• მცდარი, შეცდომაში შემყვანი ან სხვისი სახელით დადებული ინფორმაცია
• ყურძენთან და ვენახის პროდუქციასთან დაუკავშირებელი საქონელი ან სერვისი
• შეურაცხმყოფელი, დისკრიმინაციული ან უკანონო შინაარსი
• რეკლამა, სპამი ან სხვა პლატფორმებზე გადამისამართება
• სხვისი პირადი მონაცემები მისი თანხმობის გარეშე

წესების დარღვევის შემთხვევაში განცხადება შეიძლება წაიშალოს ან დაიმალოს გაფრთხილების გარეშე.

მონაცემების გამოყენება

განცხადებაში მითითებულ საკონტაქტო ინფორმაციას (სახელი, ტელეფონის ნომერი) ვინახავთ მხოლოდ იმისთვის, რომ დაინტერესებულმა მხარემ დაგიკავშირდეთ. ტელეფონის ნომერი საჯაროდ არ ჩანს — მისი ნახვა შესაძლებელია მხოლოდ სპეციალური ღილაკით, და ამ მოქმედებას ჩვენ ვლოგავთ ბოროტად გამოყენების თავიდან ასაცილებლად. მონაცემებს არ გადავცემთ მესამე პირებს რეკლამის მიზნით.